DISLEXIA

DISLEXIA TRATATZEKO ZENTRU INTERESGARRIAK

2008-12-29T19:52:00.003+01:00

"DORE" zentruak

"Dore" zentruak ikasketa arazoak dituzten umeak eta helduak laguntzen ditu beraien goreneko potentzialera hel daitezen.Zerebeloaren garapena potentziatzea helburu duen metodo indibidualizatu bat erabiltzen dute.Zerebeloaren funtzionamendu txarra aprendizaiaren arazoekin loturik dago.Dore programak kausa fisiologikoarekin lan egiten du zuzenean, zerebeloa estimulatzen duten hainbat ariketen bidez ,informazioa arinago prozesatzeko.

Iturria:http://www.medicinadeldesarrollo.com/centros_dore

"DISLEBI "-Asociacion de dislexia de Euskadi- "Ercilla"zentrua(Bilbo)

Gabinete psikopedagogiko bat da eta bertan metodo moderno eta originalak erabiltzen dituzte beraien bezeroen tratamenduetarako.Bertan, Eduardo Herrera izeneko psikopedagogo ezagunak lan egiten du.

Iturria:http://www.diariovasco.com/20080416/alto-deba/dislexia-puede-empezar-observar-20080416.html

"PSIKOLOGIA ZENTRUA" (Bilbon)

Bertan sesio bakoitzeko ordu bateko atentzio indibidualizatua ematen dute.

Profesional ezberdinengandik bezeroari hasierako ebaluazio bat egiten diote.

Teknologia berriak erabiltzen dituzte.

Ikasketa kolaboratzailea jorratzen da.

...

Kontaktatzeko: info@centro-psicologia.com

Iturria:http://www.centro-psicologia.com/es/lectoescritura.html

Dislexia tratatzen duten beste zentru batzuen web-guneak:

HAUR DISLEXIKOEK IDATZITAKO TESTUAK(ARGAZKIAK)

2008-12-29T19:25:00.010+01:00

Begiratu argazki hauek bertan haur dislexikoek idatzitako testu zatiak daude eta egiten dituzten akatsak ikus daitezke.

Iturria:http://images.google.es/images?ndsp=20&um=1&hl=es&rlz=1T4ADBS_esES299ES299&q=dislexia+fotos&start=420&sa=N

DISLEXIA EBALUATZEKO TEST MOTA EZBERDIÑAK

2008-12-29T18:13:00.005+01:00

WISC (Escala de Inteligencia Wechsler para niños): Funtzionamendu kognitiboari buruzko profil bat ezartzea onartzen duen inteligentzia test bat da.
T.A.L.E. (Test de Análisis de Lectura y Escritura):Adinaren arabera mailatan banatuta dago eta irakurketa-idazketa eremu guztien analisia onartzen du.
Mira-Stambak probak: Psikomotrizitatearen aspektua baloratzeko erabil daiteke.
Test Gestáltico-Visomotor de Bender:Integrazio eremurako erabil daiteke.
Frostig test-a: Haur txikietan ikusizko pertzepzioa neurtzeko erabil daiteke.
Ohiko lateralitatea(M. Auzias):Lateralitatea ebaluatzeko erabiltzen da.

Iturria:http://www.difap.com/evaluaciondislexia.htm

Dislexia detektatzeko beste test bat:Britainia Handiko Dislexiaren Elkarteak test hau proposatzen du dislexia detektatzeko. Galdera hauetako hiruzpalauri baiezko erantzuna emanez gero, posible da dislexia-mailaren bat edukitzea umeak. Beraz, eraman medikuarengana.

8 urte egin aurretik
Umeak oso nekez ikasi al zuen hitz egiten?
Oraindik ere kosta egiten zaio irakurtzea edo idaztea, eta zuri, guraso gisa, kezkatzeko moduko atzerapena iruditzen zaizu?
Irakurtzea edo idaztea eskatzen ez duten beste gai batzuetan, umea bizkorra eta adimentsua iruditzen zaizu?
Letra edo zifra batzuk alderantzikatuta idazten ditu?
Batuketak eta kenketak egiten ikasi zuenean, beste umeek baino denbora luzeagoan behar izan zuen hatzen laguntza edota paperean markak egitea?
Eta, biderketen taulekin arazoak ditu?
Zailtasunak ditu eskuina eta ezkerra bereizteko?
Mugimenduak bere adineko umeenak baino baldarragoak dira?
8 urte egin ondoren
Idazterakoan, akats ortografiko larriak egiten ditu, letrak “janez” edota ordena desegokian jarriz (pasatu-ren ordez, sapatu idatziz, adibidez)?
Irakurtzerakoan oker egin eta bera ez da horretaz konturatzen?
Sarritan ez da gai irakurri berri duena ulertu eta azaltzeko?
Arbelean edo beste paper batean idatzita dagoena kopiatzea kosta egiten zaio?
Batzuetan, irakurtzerakoan hitzak jan edo salto egiten du, edo lerro bera bi aldiz irakurtzen du? Ez du atsegin besteen aurrean ahots ozenez irakurtzea?
Biderketa-taulak gogoratzeko arazoak dauzka oraindik?
Erraz desorientatzen da, eta eskuina eta ezkerra nahasten ditu?
Bere buruarekin konfiantza gutxi duela iruditzen zaizu, eta gutxi estimatzen duela bere burua?

Iturria:http://www.zientzia.net/artikulua.asp?Artik_kod=10490

DISLEXIA MOTAK

2008-12-29T17:29:00.005+01:00

Dislexia sakona edo fonemikoa: izaera semantikoa duten transtornoak ematen dira honen barruan baita hitzen esanahia ulertzeko zailtasunak ere(batez ere aurrizkiak eta atzizkiak eramaten dituzten hitzen esanahaia).

Dislexia fonologikoa: aurretik aipatutako erroreekin erlazionatuta dago baina maila baxuago batean.

Gainazaleko dislexia: zailtasunak hitzen luzerarekin edo konplexutasun mailarekin erlazionatuta daude.Haurretan ohikoena da.

Dislexia ebolutiboa(haurrarengan ikaskuntza prozesuan zehar agertzen dena):ohiko sintomak; idazketan eta irakurketan egiten diren inbertsioak,letren atxikidura edo ezabaketa eta errepikapenak edo zalantza konstanteak izaten dira.Normalena izaten da ikaskuntza aurreratzen den heinean,zailtasun hauek taktika berezi baten bidez desagertaraztea.Horrela ez denean dislexia helduaz hitz egin dezakegu("dislexia madurativa").

Dislexia heldua: adimen urritasuna duten haurrengan emoten da sarritan.

Jabetutako dislexia: lengoaiaz arduratzen den burmuineko eremuari garezurreko lesioren batek afektatu eta gero sorturikoa.

Iturria:http://www.mailxmail.com/curso/vida/trastornosinfantiles/capitulo8.htm

OSPETSU DISLEXIKOAK

2008-12-26T16:11:00.012+01:00

PABLO PICASSO

1881.urtean Malagan jaio egin zen(Espainian).Artearen ikono famatu eta garrantzitsu bat izan zen tendentzia bat sortu zuena.Lekuko eskola parrokialetara joan zen ikastera eta zailtasun ugari izan zituen.Irakurketarekin eta letren orientazioarekin hainbat arazo atxikitu zitzaizkion beraz,dislexikotzat jo zuten.Dena den,bere ikasketekin jaraitzeko kapaza izan zen eta bere arazoarekin aurrera egin zuen.Halan eta guztiz ere,dislexiak bere ikasketak zaildu egin zituen eta inoiz ez zan benetan bere ikasketez onuratu.Dislexiak ,beraz, gizon famatu hau bere bizitza osorako markatu egin zuen.Pabloren aita Malagako Arte Ederretako irakaslea zen eta bere ikasketetan aurrera egin zezan animatu egin zuen.Ikasketarako ezintasunak ekarri zizkion zailtasunak hainbat baziren ere,argi geratu zen Picassok izugarrizko talentu bat zuela gauzak berak ikusten zituenaren arabera margozteko.

LEONARDO DA VINCI

1452.urtean jaio egin zen eta bere nerabezaroa Florentzian igaro zuen Andrea Verrocchio izeneko margolari baten ikasle bezela.Bere estilo propioa oso arin garatu egin zuen eta goi errenazimenduaren etaparen hasiera berak markatu zuen.

Uste izan da Da Vincik ikasketarekin erlazionaturik dauden hainbat ezgaitasun pairatzen zituela,hauen artean:dislexia eta atentzio falta(TDA).Batzuen ustez, bukatu barik utzi zituen hainbat lanek atentzio faltaren defizit bat erakusten zuten.Da Vincik idatziriko notetan dislexiaren hainbat ezaugarri antzeman zitezkeen esaterako:hitzak alderantziz idazten zituen eta eskumatik eta ezkerrera idazten zuen( letrak ispilu batengandik islatuta egongo balira bezela).Hau dislexiko ezkertiar askoren ezaugarrietako bat da.Idazketaz aparte bere eskuidazki eta egunerokoetan egiten zituen ortografi akatsek dislexiaren antzekoak ziren lengoaia zailtasunak erakusten zituen.Dena den,Da Vincik bere ikasketa zailtasunak gainditu zituen eta sormenezko talentuak bere pentsamenduen ikusizko errepresentazioetara bideratu zituen.

THOMAS EDISON

1847.urtean jaio egin zen eta oso zientifiko eta asmatzaile ona izan zen.12 urte zituela eskolatik bota egin zuten tontotzat zutelako.Bere matematiketako notak oso txarrak ziren,kontzentratzeko ezintasuna zuen eta hitzekin eta lengoaiarekin zailtasunak zituen.Dena den,argi zegoen Thomas Edison ikasle bikaina zela ,nahiz eta,eskolako errendimendua baxua izan.Bere karrera osoan zehar Edisonek 1093 asmakizun baino gehiago patentatu zituen.

ALBERT EINSTEIN

1879.urtean jaio egin zen Ulm-en(Alemania) jaio egin zen.Jaiotzerakoan bere buruaren atzeko aldea hain handia zenez eta ertz askoduna bere familiakoek pentsatu egin zuten desitxuratuta zegoela.Lengoaian oso geldoa zen eta dislexia arazo bat gainditu behar izan zuen,hau dela eta,bere gurasoek pentsatu egin zuten umeak atzerapen arazo bat zuela.Ikasle bezela,ez zen ez ona ez txarra,memoria txarra zeukan batez ere berbak eta textuak memorizatzeko.Ordea,matematiketan,fisikan eta filosofian bere ikaskideak baino hobeagoa zen.

1905 ean Erlatibitatearen teoria berezia argitaratu zuen eta 1915ean Erlatibitatearen teoria orokorra.Erlatibitatearen teoriak berebiziko iraultza suposatu zuen, mekanika newtondarra hausten bait zuen.

Iturria:http://www.chromagen-spain.com/chromagen/dislexia.htm eta http://scholar.google.es/scholar?q=einstein+y+su+dislexia&hl=es&rlz=1T4ADBS_esES299ES299&um=1&ie=UTF-8&oi=scholart

Dislexia pairatzen duten ospetsu gehiagoren zerrenda aurkituko duzue orrialde honetan,sartu eta arrituta geratuko zarete:http://www.disfam.net/mod/resource/view.php?id=27

BI ALABA DISLEXIKOAK DITUEN AMA BATEN ESPERIENTZIA

2008-12-26T13:35:00.002+01:00

Bideo honetan ama batek kontatzen digu;hasteko nola enteratu zen andereño baten laguntzaz bere alabetako bat dislexikoa zela eta berri honek sentiarazi ziona.Gero,konturatu egin zen baita ere,beste alaba eta senarra dislexikoak zirela.Ondoren,azaltzen digu zein den bere bi alaben sentimendua arazo honekiko eta nolako eragiñak izan ahal dituen dislexiak beraiengan.Eta bukatzeko eskolak arazo honen aurrean nola jokatu zuen ere aipatzen du beste gauza batzuen artean.

Beste bideo interesgarri batzuk:http://es.youtube.com/watch?v=I-I9zhhwJ-4
http://es.youtube.com/watch?v=TudBFFQYqhE
http://es.youtube.com/watch?v=pDaH_vIFlXM
http://es.youtube.com/watch?v=u1SFglOdx6c

DIAGNOSTIKOAREN GARRANTZIA ETA GURASOENTZAKO ETXERAKO LANAK

2008-12-24T15:54:00.006+01:00

Diagnostikoaren garrantzia

Ume dislexikoak beste edozein ume bezain azkarrak badira ere, gauzak beste modu batera ulertzen dituzte.
Errekuperazio-maila ona lortzeko eta eskolako porrota ebitatzeko detekzio goiztiarra da tresnarik oinarrizkoena. Argi dago ez daudela bi ume dislexiko berdin eta bakoitzaren ezgaitasun maila ezberdina izango dela. Horregatik, eta behin dislexiaren diagnostikoa finkatu denean, tratamendu pertsonalizatua gomendatzen da, bederatzi urte baino lehen astea komeni dena, denborak aurrera egin ahala umearen ohiturak eta azturak ere finkatu egiten baitira eta zailtasunak zuzentzea askoz ere zailagoa gertatzen baita.

Dislexia sekula ez da sendatuko erabat; hortxe egongo da barruan,baina gaur egun tratamendu egokia aplikatuz asko hobetu eta zuzen daiteke.Patroi unibertsalik aipatu ezin bada ere,ia beti mugimenduen koordinazioa eta motrizitatea lantzeko ariketak erabiltzen dira, forma eta hots antzekoak dituzten letrak bereizteko ariketak, lateralitate-arazoak konpontzeko edota ezkerra/eskuina edo goia/behea bezalako kontzeptuak bereizteko ariketa eta jolasak.
Azken ikerketek baieztatzen duten bezala, hiru ume dislexikotatik bik izaerazko eta portaerazko transtornoak ere eduki ohi dituzte.Ez dute inolako konfidantzarik beren buruengan eta frustraturik sentitzen dira. Horregatik, familiaren jarrera oso garrantzitsua da. Gertuen dauzkatenek ez badiete laguntzen, bere posibilitate eta aukerak ere zalantzan jarriko dituzte eta segurtasun- eta autoestima-mailak —lehendik ere nahikoa ahul zirenak— oraindik ere apalago bilakatuko dira.

Gurasoentzako etxekolanak

Hona hemen aholku sinple batzuk dislexiari etxean bertan aurre egiteko:

Arreta gehiago eman umearen esfortzuei, lortuko duen errendimenduari baino. Garrantzitsua da umearen ahaleginak eta arrakasta txikiak onartzea eta baloratzea, bere konfidantza-maila gehitzeko.

Bere liburuak umearekin batera irakurri, irakurketa-prozesua abentura interesgarria eta gustukoa izan dadin.

Ariketa ugari eta errepikapen-saio asko eskaini.

Konparazioak alde batera utzi, bere anai-arreba eta lagunekin batez ere.

Inoiz ez utzi umea barregarri bere akatsengatik; ezta alfer edo baldartzat hartu (ez baitira); are gutxiago beste inoren aurrean.

Indartu eta sendotu bere autonomia pertsonala.

Ez dramatizatu, ezta arazoa neurritik atera ,izan ere, umea gurasoen angustiaz kutsa daiteke.

Iturria:http://www.zientzia.net/artikulua.asp?Artik_kod=3405

DISLEXIA 4,9 ETA 9 URTE BAINO GEHIAGOKO HAURRETAN

2008-12-23T19:54:00.013+01:00

4 eta 6 urte bitarteko haurrak: Etapa hau aurreskola etaparekin bat etortzen da.Haurrak idazketan eta irakurketan berain lehenengo pausuak ematen dituzte,baina gaitasun hauen erabateko bereganatzea gertatzen ez denez erakutsiko dituzten trastornoak dislexiarako pausu bat izango dira.Eta dislexia agerpen hauek aurreragoko beste etapa batzuetan edo adin aurreratuagoetan agertuko dira.

Alterazioak batez ere,lengoaiaren eremuan aurkitu daitezke eta hemen honako hauek nabarmendu daitezke:

Fonemen ezabatzea esaterako:"grua" esan beharrena "gua" esatea.
Fonemen errakuntza esaterako: "dinosaurioa" esan beharrean "binosaurioa" esatea.
Hiztegi eta adierazpen pobrea izatea eta honekin batera ahozko ulermen baxua izatea.
Silaba baten barruan fonemen inbertsioa edo hitz baten barruan silaben inbertsioa esaterako:"txori" esan beharrean "txiro" esatea.
Gorputz eskemaren ezagutzaren estrukturazio txarra.
Koloreak,tamainak,formak etab bereizteko zailtasuna.
Mugimenduetan traketsa izatea eta eskulanak edo esku ariketak eta idazketa burutzeko habilidade gutxi izatea(1go adibidea).

6 eta 9 urte bitarteko haurrak: etapa honetan haurrak irakurketa eta idazketa gaitasunak bereganatuak izan beharko lituzke eta hauek erabiltzeko domeinua eta trebetasuna izan beharko luke.Etapa honetan haur dislexikoak zailtasun asko aurkitzen ditu eta bere transtornoa gehiago adierazten du.Etapa honetan adierazten dituen ohiko manifestazioak honanko hauek dira:

Antzekoak diren letrekaz(bai forman eta bai soinuan) nahastu egiten da esaterako: d eta b;p eta q;u eta n;d eta p...
Hitz barriak ikasteko zailtasuna.
Letren ordena aldatzerakoan inbertsioak egitea.
Hitzetan letrak jatea esaterako:pelot esatea pelota esan beharrean.
Hitz baten ordezkapena beste batengaitik, silaba berdinetik hasten dena edo antzeko soinua duena.
Irakurketan erritmo falta,lerroak saltatzea edo hauen errepikapena.
Irakurketan oinarrizko alterazioak solte dauden hitzetan ematen dira(2.adibidea).
Aurreragoko etapa batean idazten hasten denean eskumatik hasten da eta hitza edo esaldia ezkerretik idazten bukatzen du.
Maiuskulak eta minuskulak nahastatzen ditu.

9 urte baino gehiago dituzten haurrak:

Mintzamenean zailtasunak dituzte esaldiak zuzen osatzeko eta aditzen denborak jokatzeko.
Ulermena eta adierazpena oso baxuak dira bere buru ahalmenerako.
Irakurketa oso mekanikoa izaten da eta ondorioz,ez dute oso gustoko irakurtzea.Hau gertatzen da haurrak berbak deszifratzeko egin behar izaten duen ahalegiña oso handia delako eta azkenean ez diolako hitzaren esanahiari arretarik jartzen.
Hiztegia erabiltzeko zailtasunak izaten dituzte.
Idazketan normala izaten da muskuluak nekatzea eta kaligrafia irregularra eta ez oso elaboratua izaten da.

Iturria:http://www.saludalia.com/docs/Salud/web_saludalia/vivir_sano/doc/psicologia/doc/doc_dislexia_1.htm

HAUR DISLEXIKO BATEN EZAUGARRIAK ETA ESKOLA MANIFESTAZIOAK

2008-12-14T18:42:00.011+01:00

Haur dislexiko baten ezaugarriak:

Atentzio falta: Beraien zailtasun pertzeptibo konkretuak gainditzeko burutu behar duten esfortzu intelektual handia dela eta nekagarritasun maila handia aurkezten dute.Hau dela eta, irakurketa eta idazketaren aprendizaiak aspergarriak eta interes gabekoak iruditzen zaizkio.

Ikasketarako interes gabezia: Atentzio faltak eta estimulurik gabeko eskola eta familia inguruak haurrari eskolako lanak egiteko interesa murrizten diote.

Moldagabezia pertsonala: Haur dislexikoa espazioan eta denboran gaizki orientatzen denez gero,erreferentzi edo euskarri punturik gabe aurkitzen da eta honen ondorioz bere ekintzetan zihurgabetasun eta ezegonkortasun falta aurkezten du.

Eskola manifestazioak

Dislexia modu konkretuago batez aurkezten da eskola eremuan,irakurketa eta idazketa bezelako oinarrizko irakasgaietan.Haurraren adiñaren arabera, dislexiak ezaugarri jakin batzuk aurkezten ditu eta hauek garapenaren hiru mailatan multzokatu daitezke.Modu honetan nahiz eta haurrak maila baten zailtasunak gainditu hurrengo mailaren zailtasunekin aurkitzen da.Modu honetan,berrezieraren bidez zailtasun horiek gero eta gutxiago agertuko dira eta errehabilitazioarekin desagertu egin daitezke.

Iturria:http://www.saludalia.com/docs/Salud/web_saludalia/vivir_sano/doc/psicologia/doc/doc_dislexia_1.htm

DISLEXIARI BURUZKO BIDEOAK-(elkarrizketa etb2)

2008-12-10T20:39:00.016+01:00

Ondorengo bideo hauetan Eduardo Herrera psikopedagogo eta logopedak ,dislexiari buruzko informazio garrantzitzua azaltzen du etb-ko programa batean.Espero dut bideo hauek zuen interesekoak izatea eta hauekaz dislexia kontzeptua hobeto ulertzea.

1go atala

2.atala

3.atala

4.atala

ZER DA DISLEXIA?? ZERK ERAGITEN DU DISLEXIA??

2008-12-09T15:00:00.016+01:00

Zer da dislexia?

Irakurketaren eta idazketaren ikaste prozesuari eragiten dion transtornoa da.Umeak dislexia badu ere,berarengan ez da inolako eskazia emozional,sentsorial(ikusmenaren edo entzumenaren arazoa)nahiz intelektualik antzemango.Transtorno hau orientazio espazialaren akatsekin edota ikus-koordinazioaren alterazioekin dago lotuta.
Haurrek zailtasunak dituzte:letren edo letra multzo baten bereizketa edota memorizazioa egiteko;letren kokapenean ordenaketa eta erritmo falta dute;esaldien estrukturazioa gaizki egiten dute etab.

Zerk eragiten du dislexia?

Dislexia kausa askok sorturiko efektua da eta kausa horiek bi multzotan banatu daitezke.Alde batetik,faktore neurofisiologikoak ditugu(nerbio sistemaren garapen geldoagaitik sortutakoak) eta bestetik,gatazka psikikoak ditugu(haurra bizi den inguruan dauden tentsio eta presioengatik sortuak).Faktore hauek oinarrizko problema multzoen eraketa eragiten dute eta problema hauek era berean,transtorno dislexiko gehienetan aurkitzen dira.Eta problema edo transtorno hauen larritasuna pertsonaren arabera aldatu egiten da.Dena den,badira gaixotasunak oinarri genetikoa eduki dezakeela diotenak ere.
Beraz,dislexia transtorno multzo baten manifestazioa izango litzateke eta transtorno hauek batzutan modu global batean ager daitezke edota modu isolatu batez.

Transtornoak hauek izango lirateke:

Lateraltasun txarra: Lateraltasunaren garapenean alterazioren bat aurkezten duten haurrek, ordenaketa transtornoak izaten dituzte espazioaren eta lengoaiaren ikusketan.Hauek era berean,dislexikoak duen problematikaren ardatza osatzen dute.Esango genuke, dislexikoen kasurik gehienak nagusitasun lateral mugatua ez duten haurrengan emoten dela.Lateraltasunak motrizitatean eragiten du eta gaizki definitutako lateraltasuna duen haurrak eskulanak burutzen traketsa izango da eta bere trazu grafikoak ez dira koordinatuak izango.
Psikomotrizitatearen alterazioak:Sarritan haur dislexikoak lateraltasun arazoekin edo arazorik gabe, beraien psikomotrizitatean alterazioak izaten dituzte(funtzio motore eta psikologikoen arteko erlazioa).Hau da,haurren mugimenduak orokorrean oso traketsak izaten dira.Haur dislexikoarengan anomalia hauek gainerako transtorno espezifikoekin lotuta daude: a)Erritmo falta:bai mugimenduak egiterakoan bai lengoaia erabiltzerakoan nabaritzen da.Irakurketan eta idazketan gaizki ezarritako pausak egongo dira. b)Ekilibrio falta:Ekilibrio estatikoa eta dinamikoa izateko zailtasunak izaten dituzte. Esaterako:oin baten gainean mantentzea,bizikletan ibiltzea, saltatzea... kostatu egiten zaie.
Gorputz eskemaren ezagutza urritasuna:Gaizki lateralizatuta dagoen haurrak,gorputzaren irudi akastun(urri)bat duenez bere orientazio egokirako behar dituen erreferentzia puntu zehatzak faltan izango ditu.
Transtorno pertzeptiboak:Irakurketan eta idazketan haurra bere koordenatuetan(gora-behera,ezkerra-eskuma) oinarritu behar da eta koordenatu hauek errepresentatutako zeinu bakoitzaren direkzio eta forman gauzatu egin behar ditu horrian.Gora-behera koordenatuak ongi bereizten ez dituen haurrak zailtasunak izango ditu letrak bereizteko.

Iturria:http://www.saludalia.com/docs/Salud/web_saludalia/vivir_sano/doc/psicologia/doc/doc_dislexia_1.htm eta http://www.zientzia.net/artikulua.asp?Artik_kod=3405

ONGI ETORRIAK !!!

2008-12-09T13:33:00.003+01:00

Kaixo guztioi !! Blog honetarako aukeratu dudan gaia dislexia duzue,bertan gai interesgarri
honi buruzko informazioa eskeiniko dizuet.Etorkizuneko irakasleak izango garenontzat, gai hau
oso baliogarria izango delakoan aukeratu dut.Baliteke geure profesioa burutzerakoan arazo
hau sufritzen duten haurrekin topo egitea,hori dela eta ,informatuta egon behar gara,hau da prest egon behar gara arazo honi aurre egiteko. Haurrek geure laguntza behar izango dute eta geuk ahalik eta hobekien eskeini beharko diegu aurrera egin dezaten.
Beste barik,espero dut blog hau zuen gustokoa izatea baita baliogarria eta lagungarria ere.